24‏/12‏/2011

قدوة

ليه الأغلبية مننا بيتعموا عن الحقيقة لبعد فوات الأوان ,
بيقربوا من اللي الشر في عنيهم ويتفانوا في نول رضاهم
وما بيشوفوش اللي قلوبهم عليهم بجد ,, ليه الأغلبية مش للناس الطيبين .
غريب الطبع ... اللي بيجي على غيره وما بيحسش بألمه غير لو اتحط مكانه وجرب !!!
ما بيقدرش قيمة اللي بين ايديه غير لو ضاع منه , وبيندم على كل ده لما بيبقى بين الحياة والموت .
غريب الطبع ... اللي بيؤمن بوجهة نظر مالهاش وجود أو دليل ,
اللي بيهين غيره لمجرد انه اختلف معاه ف الرأي ,
اللي بيهتف ضد الحق , اللي أبقى على مصلجته على حساب مصلحة بلـــــــــــد ,
اللي استسهل القتل وبرره , اللي اشترى الدنيا ونسي أخرته تمامــــاً ,,
واللي بيفتي من غير ما يشوف بعنيه ويروج الإشاعات .
غريب الطبع يا بلد ... اللي سرق ماله ! أساء لسمعة نفسه ! أهان شرفه ! وبيحتل بلاده !!!!
لو كان اليهود على خُلُق موسى _ عليه السلام _ وكان المسيحيون على خُلُق عيسى _ عليه السلام _ وكان المسلمون على خُلُق محمد _ عليه الصلاة والسلام _  أو  إقتدوا بالبعض من طباعهم  لكم أن تتصوروا أجمل حياة .

ليست هناك تعليقات:

إرسال تعليق