ضوء الشمس

الفجر شقشق
والقمر حالف ما يمشي
مضوي ليل اللي ما نمشي
يطلع ضوء الشمس يزعق يدفي للقمر برده
يبدأ ينام , يصحى الحمام
والدنيا تمشي ولسه برضه
ماغفتش عين السهرانين
اللي بين غربة وحنين
واللي فيها ونفسه يتغرب يومين
واللي عايش بين بينين
واللي ع الفساد ثايرين
واللي مايل
بدال ما يعد الجمايل
هدد حضارة وهد العمايل
اللي مات أخوه فداها
اللي لولاها .. ماكنتش هعرف عكس الخوف
دول سممونا بالكلام , علمونا كيف الخصام
دول خلونا بعين واحدة نشوووف
قالوا انتوا احفاد الفراعنه , وسكتونا
حسسونا
ان ورثنا الوحيد اللعنة
كرهونا في جدودنا
طلعونا للسنا السابعة
ونزلونا على رقابينا
وبعدما فوقنا م الواقعة
 وعينا وآبينـــــا