30‏/10‏/2012

فاقد حياة ..


فاقد أمل فاقد حيــــاه
ماشي في طريق عكس اتجاه
مش هو ده اللي حلمت بيه
ولا اتمنيت يوم آلاقيــه
أنا حلمي تــــــاه
لحظة أمل مليانا خوف
مقتولة باسم حكم الظروف
ينده حبيبي من بعيد
ضايع متتمدش له ايد
سقّا على الماية ملهوف
واعيش انا ميت حنين
معرفش طريق الصبر منين
عايش على شوية أمل
وبين محتمل لا يحتمل
سارح في صورته بالسنين
الفرقة جت نيران صديقة
مغيرة كل الحقيقة
مضيعة صورتي الجميلة
وحب بس في يوم وليلة
و ولا في حلول ولا في طريقة ..
 
 

ليست هناك تعليقات:

إرسال تعليق